თიგიშვილი გელა ვაჟას ძე დაიბადა 1972 წლის 25 მაისს კასპის რაიონის სოფელ კოდისწყაროში.

   1978-1987 წლებში სწავლობდა სოფელ კოდისწყაროს საშუალო სკოლაში.

   სკოლის დამთავრების შემდეგ, 1990-1992 წლებში მსახურობდა საბჭოთა არმიაში უკრაინის ქალაქ ბერდიჩევოში.

   დემობილიზაციის შემდეგ დაბრუნდა სამშობლოში და ჩაირიცხა საქართველოს სამხედრო პოლიციაში.

   1992-1993 წლებში იბრძოდა საქართველოს ტერიტორიული მთიანობისათის აფხაზეთში. ომიდან დაბრუნების შემდეგ მუშაობდა სხვადასხვა კერძო სამუშაოებზე.

   2006 წელს კვლავ დაბრუნდა შეიარაღებულ ძალებში. მონაწილეობას იღებდა კოსოვოს სამშვიდობო მისიაში. შემდეგ მსახურობდა მე-4  ქვეით  ბრიგადაში ჯერ უზრუნველყოფის, ხოლო შემდეგ კავშირგაბმულობის ბატალიონში (წოდება –  უფროსი სერჟანტი).

   2008 წლის 8 აგვისტოს ქართულ-ოსური კონფლიქტის დროს, გელა ვაჟას ძე თიგიშვილი დაიღუპა გმირულად ცხინვალის მისადგომებთან.

   დაჯილდოვებულია მედლით ,,სამშობლოსათვის თავდადებული" და ვახტანგ გორგასლის I ხარისხის ორდენით სიკვდილიდ შემდეგ.

   დარჩა დედა, მეუღლე და ორი შვილი - ლაშა და ვაჟა.